Русский
English
ՇՏՀ “Դիզայն” մասնագիտության ուսանողները դասախոսություն լսեցին կահույքի նախագծման թեմայով
Շուշիի տեխնոլոգիական համալսարանի “Դիզայն” մասնագիտության ուսանողների համար դեկտեմբերի 10-ին դասախոսություն կարդաց Ակադեմիկոս Ի.Վ.Եղիազարովի անվան ջրային հիմնահարցերի և հիդրոտեխնիկայի ինստիտուտի ճարտարապետության և դիզայնի փորձաարտադրական լաբորատորիայի ղեկավար, ճարտարապետության թեկնածու Մուշեղ Թոքմաջյանը:
Ուսանողները ծանոթացան կահույքի նախագծման և արտադրության փուլերին, ինչպես նաև նախագծող-պատվիրատու կապի առանձնահատկությունների հետ:
Քննարկվեցին խոհանոցային կահույքի նախագծման խնդիրները: Հիմնավորվեց, որ գեղեցիկ միջավայր ունենալու համար նախ պետք է ունենալ գրագետ նախագիծ:
Ուսանողները ծանոթացան նաև կահույքի պատրաստման համար օգտագործվող ժամանակակից նյութերի հետ:
Այնուհետև դասախոսությունը շարունակվեց կահույքի փորձարարական լաբորատորիայում:
ՋՀՀԻ լրատվական բաժին